Cry CU 有關中大國際化討論

星期三, 3月 02, 2005

雙語人辦支持國際化

名采
E12 蘋果日報 左丁山
2005-03-02



GG細語




一班老友賀賓架E升級,設宴大吃一餐,退休賓架C特別從上海飛參加,C太就因為督促新居裝修,留在上海。賓架C定居上海兩年後,決定購置新樓,位於虹橋區,C太為此在巴黎買唔少飾物,又由巴黎住宅運一物品去上海。賓架C話:「從來搬屋裝修,由香港去LA、由LA去溫哥華、由溫哥華去巴黎,巴黎返香港,莫不由老婆弗話事。我忙於校檢新書出版,及舊書用簡體字在上海出版,唔得閒理搬屋裝修咯。」

賓架C買間千四呎單位(以內櫳實用面積計,相等於香港二千呎或更大),約莫千一、二蚊一呎,在上海唔算大豪宅。上海最新大宅係在佘山(市郊),區內山崗上有古老大教堂,是一大賣點。呢批大宅叫做「紫園」,價錢昂貴,由千幾萬、二三千萬人民幣到一億三千萬都有,歡迎民企富豪入住。以內地人民平均收入計,屋價係天文數字,不過中國人口多,淨係一批先富起大款,已經可以掃清呢批佘山豪宅。賓架C話,值億三人民幣大宅,肯定氣派、面積都蓋過晒香港山頂大屋,香港大富豪不妨諗。

至於小富豪就可以諗「新天地」範圍內住宅,凡世界大城市中心區,住宅價格都係易升難跌,睇曼哈頓、倫敦西區就知。「新天地」住宅唔平,不過香港人慣一萬元港幣一呎買半山至山頂,如果要到上海「新天地」掃貨,舉手之勞耳。

賓架C乃係中大校友,退休前在外資銀行工作三十年,講英語、法語、普通話、廣東話,對中國歷史與法國紅酒滾瓜爛熟,用中文寫二十多本書,係中大雙語教育人辦,亦夠晒國際化。賓架C全力支持中大國際化,增加英語授課,對一學生無風起浪,竟有若干教授支持,大惑不解。

0 Comments:

發佈留言

<< Home


 
   加入「CUHK」    
 MSN 社群
Site Meter