Cry CU 有關中大國際化討論

星期日, 2月 27, 2005

校友挺劉校長

名采E12
蘋果日報
左丁山2005-02-28
GG細語

賓架F響應曾司長,五月就會誕下女嬰,佢話好有可能再生多兩個,盡香港女士責任喎。左丁山叫佢小心健康,安胎為上。你估係小兒科呀?賓架F係劍橋MBA,老公係劍橋博士,兩人結晶品點會唔係精品?

不過賓架F話最近好激氣,因為一母校中文大學師弟反對中大國際化,寫大字報哭中大,又有一位大師兄崔少明(芝加哥大學化學博士)為文反對,睇到佢眼突突。賓架F話:「中大從來都雙語教學,劉校長話加強國際化,增加英語課程,又點會破壞中大傳統,全盤英語化呢?反對學生、部份校友,究竟點諗?我識得同年代(九十年代)校友都話要支持劉校長。」

賓架F係中大國際化人辦,出身逸夫書院,加入花旗銀行,後到劍橋讀書,受麥肯錫延攬,得客戶睇起,加入銀行,年紀輕輕,前途無限。佢認為今天之中大學生,可能誤會了劉校長之一番好意。

比賓架F早二十幾年畢業之校友又如何睇法?中大校友事務處網站留言板上,有一封六十年代崇基、聯合畢業生楊懷曾、劉明、唐福雄、李啟宇信件。呢四位中大人與崔少明博士係同期崇基同學,看法完全唔同。楊懷曾佢點講呢?佢話:「中大如果將自己局限於只用中文(實際上是廣東話)為授課語言的環境裏,實難以促進中西文化交流。中大如果不能與時並進,不能自我增值或為港人爭取更高榮譽,或在弘揚中華文化方面作出新的貢獻,便有違創校的原意了。」
呢幾位老校友已屆退休年齡,支持中大雙語政策,增加英語教學,意見與展開事業不太久賓架F相同,睇落支持劉校長校友,係老中青三結合。

0 Comments:

發佈留言

<< Home


 
   加入「CUHK」    
 MSN 社群
Site Meter