Cry CU 有關中大國際化討論

星期三, 2月 02, 2005

英語授課何所懼

名采E12
蘋果日報
左丁山
2005-02-02GG

細語投資銀行大賓架慨嘆本地大學生參加面試時,英文講得唔多掂,輸晒畀外國名校畢業生。又係好難講,人住在一個以英語為日常用語環境,早上一起身就聽英文、講英文,浸三至五年,點都會講英文好過本地大學生。之不過咁,如果純粹以英語水平為聘請新人的標準,請晒哈佛、耶魯、劍橋、牛津美國人、英國人就得啦,面試華人學生做乜。問題係香港投資銀行以中國企業為大市場,以純粹英文人打先鋒,唔多掂,必須請一雙語。小學三年級就去英國留學,唔再學中文香港兒童,將來返香港求職冇咁易。

大賓架聽聞母校推行國際化,部份學系選擇性用英語授課,舉手贊成。大賓架讀歷史出身,中文根底相當唔錯,後來到英國讀研究院幾年,故此英語亦佳,佢話中文大學一貫好處,就係中英雙語並重,畢業生中文水平,平均而言,應該係全港最好,只要在英語上再加強,競爭力將會大增。

所以大賓架對中大學生會反對以英語上課,感到驚奇,因為以中大學生入學成績計,佢應該唔怕英語上課,讀大學用書、學術論文,幾乎百分之九十五都係英文,就算教授講普通話、廣東話,讀書都難以逃避英文。大賓架讀中大之時,中大學生以中文中學學生為主(當年英中生以入港大為榮),好多人讀經濟學天書Samuelson或者社會學、會計學,幾乎讀到喊,因為每頁查字典查得非常辛苦!唔好理,佢讀四年,一樣掂。今日中大學系以英語教學,相信主要係醫學院、社會科學院,內裏精英中學生眾多,來自英中者不少,聽教授用英語上課,點會唔掂?中大學生會究竟係唔係代表大多數學生意見?

文章編號: 200502020060325

0 Comments:

發佈留言

<< Home


 
   加入「CUHK」    
 MSN 社群
Site Meter